Forlaget skriv om denne boka:
Gjennom instruktiv tekst og meir enn 680 foto gir denne boka oss hjelp til å identifisere nyttedyr, skadedyr og sjukdommar i frukt- og bærhagen. Målgruppa er alle frukt- og bærdyrkarar - både entusiastiske hageeigarar og dei med frukt- og bærdyrking som yrke.
Første delen av boka informerer om nyttedyras viktige rolle, og om korleis vi kan legge til rette for at dei skal få gjere jobben sin best mulig. Deretter får vi ei grundig oversikt over skadedyr, skadar og sjukdommar, og årsakene til desse.
Boka er nesten fri for tilråding om sprøyting og andre kjemiske tiltak, men fortel korleis vi kan bekjempe skadedyr og sjukdommar i samarbeid med naturen sjølv og ved hjelp av sunn fornuft og agronomiske tiltak. I sentrum står biologisk kunnskap om nytte- og skadedyr, og korleis desse påverkar kvaliteten på det vi skal hauste.