Å gå på do er noko vi alle må gjere, anten ein er barn, voksen, konge, dronning eller president. Gjennom alle tider og i alle situasjonar har folk måtta gå på do. I denne boka gjerest det eit dypdykk ned i doens historie, ikkje berre i Noreg, men i heile verda. Samt framover i tid også, om kva vi eigentleg skal gjere med all bæsjen i framtida. I tillegg fortel boka om kva dei gjorde av bæsjen i gamle dagar, før vassklosettet blei funne opp, kva dei gjer med tisset i land der dei ikkje har nok reint vatn, kva dei gjer med bæsjen på ein ubåt, i eit jagarfly eller på ein internasjonal romstasjon. Har mange humoristiske illustrasjonar. Sakprosa for mellomtrinnet. Omtalen er utarbeidd av BS.
. - Alder: 9-13 år
Ei morosam faktabok om doen gjennom historia og i framtida
Mor di gjer det, far din gjer det, kongen, dronninga og presidenten i USA gjer det. Kva då? Går på do, vel! Gjennom alle tider og i alle situasjonar har folk måtta gå på do.
Men har du eigentleg tenkt på kvar dei gjorde av bæsjen i gamle dagar, før vassklosettet blei funne opp? Eller kva dei gjer med tisset i land der dei ikkje har nok reint vatn? Kva gjer du eigentleg når du må bæsje på ein u-båt, i eit jagarfly eller på ein internasjonal romstasjon?
Alt dette og mykje meir får du svar på i denne boka. Do er eit djupdykk ned i doens historie, ikkje berre i Noreg, men i heile verda. Og framover i tid også, for kvar skal vi eigentleg gjere av all bæsjen i framtida?
