I dette storverket tar Jan Inge Sørbø for seg den nynorske litteraturhistoria frå Ivar Aasen og fram til i dag. Her gir Sørbø eit nytt perspektiv på norsk litteratur. Han drøftar korleis nynorskforfattarane både har forma og opponert mot dei litterære normene i samtida si - til dømes korleis Ivar Aasen protesterte mot nasjonalromantikken, medan A.O. Vinje dreiv gjøn med bondeforteljingane. Meir enn 150 forfattarskapar er omtalte i boka. Mellom dei finn vi kjende namn som Arne Garborg, Tarjei Vesaas, Marie Takvam, Jon Fosse og Olaug Nilssen, men òg fleire som fortener ny merksemd, som Gro Holm og Sjur Bygd. 'Nynorsk litteraturhistorie' blir gitt ut i høve Det Norske Samlaget sitt 150-årsjubileum. Omtalen er utarbeidd av BS.
NYNORSK LITTERATURHISTORIE er den første store gjennomgangen av den nynorske skjønnlitteraturen frå Ivar Aasen og fram til i dag. Boka viser korleis utviklinga av det nynorske skriftspråket har sytt for at røyster og erfaringar frå heile landet har fått innpass i litteraturen. Den nynorske litteraturen er noko for seg sjølv, samstundes som han har ein sjølvsagd plass i den samla norske litteraturhistoria.
Over 150 forfattarskapar er representerte. Her finst kjende namn som Arne Garborg, Marie Takvam, Jon Fosse, Olaug Nilssen og Maria Parr, så vel som forfattarar som fortener ny merksemd, som Gro Holm og Sjur Bygd.
Jan Inge Sørbø viser korleis dei nynorske forfattarane både har forma dei litterære normene og opponert mot dei. Ivar Aasen protesterte mot nasjonalromantikken, Aasmund Olavsson Vinje dreiv gjøn med bondeforteljingane, forfattarar som Kristofer Uppdal og Tarjei Vesaas var modernistiske pionerar. I dag er den nynorske skjønnlitteraturen rikare enn nokon gong, og arven frå grunnleggjarane er framleis til stades.
