Forlaget skriver om denne boka:
Nordnorske visesongarar frå 1970-talet sette Nord-Noreg så ettertrykkeleg på noregskartet at folk sørpå melde seg på nordnorsk dialektkurs i Oslo og austnorske visesongarar prøvde å lansere platene sine i Tromsø.
Den frodige kulturvoksteren nordpå i 70-åra var inga bølgje som slo oppetter fjæresteinane og så drog seg tilbake. "Det va heller ei øy som steig opp av havet og vart ligganes," skriv Jack Berntsen i innleiinga til "Sanga i søkk og kav".
Boka er ei samling viser av kjende og kjære artistar, for det meste innfødde nordlendingar og ein og annan søring. Det dei har felles er at dei skriv om Nord-Noreg og forhold nordpå på ein slik måte at songane høyrer til landsdelen. Boka er på dialekt, redigert av Jack Berntsen og vakkert illustrert av Alvin Jensvold.
