Åge meistrar bilkøyringa no. Eg lærer han opp i sikting og drive-by shooting med SMG. Maskinpistol. Ingen seier noko om flytting. Det vert ikkje sagt eit ord om naboen Jan Frode Lyngmo. Eg snakkar ikkje om kvifor eg er her. Han fortel ikkje noko om problema sine med kona og ungane. Eg nemner ikkje vikarjobben, og eg spør ikkje kva som eigentleg skjedde for over 20 år sidan. Kvifor syster mi ligg i grava og far min er borte. Kanskje sit han der og veit. Han sit og plasserer sprengladningar og likviderer narkolangarar, drikk konjakk og tenkjer på kva eg eigentleg er for ein fyr. Kanskje veit han det betre enn nokon, betre enn eg sjølv.
I sin debutroman fortel Jens K. Styve historia om den heimvendte sonen Ove Kvamme. Han er ein fråskild mann, med ein bag klede, ein iPod og ein gul Golf. med dette, og hjelp frå avansert satellitteknologi, skal han finna ut kva som eigentleg skjedde den gongen.