Til 150-årsjubileet for Vinjes legendariske reise har Jon Severud i detalj og med relevante omvegar gått opp spora etter "Dølen". Den kunnskapsrike strilen og retorikkskolerte norsklektoren har oppsøkt, analysert og kommentert alle dei fysiske, geografiske, skriftlege, og kulturhistoriske krokvegane "Dølen" var innom. I Vinje-inspirert essayistisk stil rissar han opp dei historiske og sosiale rammene som rådde i Noreg då "Dølen" skreiv sine forvitnelege ferdaminne. Slik får vi av denne moderne ferdsskrivaren hjelp til å sjå det tidlaust kreative i Vinjes skrivekunst.