Information:
| Denne boka inneheld eit utval av mine songar, melodiar og tema. Stoffet er lagt til rette for kulturskular, grunn- og vidaregåande skular. Her er enkle tema og songar som er lette å framføra både vokalt og instrumentalt. Ønsket er at dette materialet kan inspirera folk til å synge og spele. Musikken er primært arrangert for melodistemme med besifring og tekst. Det har ført til forenklingar av originalverket. Eg har teke bort mykje av arrangementa, men lete kjernetema eller grunnmelodien stå igjen. Ein god del av musikken i denne boka er innspelt, og det er vist til kva for eit album/CD verket finst på. Bak i boka er min diskografi. Boka er tematisk inndelt. Eg har arbeidd med musikk til fjernsyn, film, kyrkje, teater og born, noko inndelinga gjenspeglar. Musikken i dette heftet har vore framført i radio, fjernsyn, film og kino, men også i teater, på ulike konsertar og i kyrkjeleg samanhang. Målet med noteboka er at desse tonane også kan bli gjenskapte og få ein ny bruk i skular, verksemder, forsamlingar, foreningar og heimar.
|