Forlaget skriv om denne boka: Boka tek for seg Gulatinget frå Harald Hårfagres dagar og fram til omkring 1300. Då vart tinget flytt frå Gulen til Bergen. Helle ser tinget som ein møtestad mellom det vestnorske bondesamfunnet og dei to offentlege maktene - kongedømet og kyrkja - som søkte å organisere samfunnet under seg i mellomalderen. Ikkje berre i norsk, men òg i nordisk og europeisk perspektiv er den eldre Gulatingslova viktig av di ho speglar eit bondesamfunn som gjennom tingmennene sine opptrådde sjølvstendig i lovskiping, domsverksemd og tingingar med kongedøme og kyrkje om tiltak av sams interesse.
