Forlaget skriver om denne boka:
Like ved skogen ligg eit blått hus. Der bur bestemor. Ein gong var ho ei lita jente. No er ho gammal, og ho kan ikkje lese, for ho har grå stær.
"Har du fuglar inne i augo?" spør Eline. "Ja, men dei flyg ikkje omkring. Dei sit fast."
"Syng dei?"
"Nei, dei syng ikkje heller. Dei er berre til plage."
Ja, bestemor har grå stær, og ho kan ikkje lese. Men det kan Eline. Eline og bestemor er bestevener. Dei spelar Ludo og snakkar om gamle dagar og nye dagar.
