Forlaget skriver om denne boka:
Mannen er gift, men den nye kvinna krev ikkje meir enn å få vere den andre kvinna.
Ein draumesituasjon for han som ikkje kan eller vil velje. Men gradvis blir dobbeltlivet vanskeleg; mannen kjenner at han vil ut av ekteskapet, han vil realisere kjærleiken fullt ut. Eller vil han ikkje det? Dei usynlege banda til ho han er gift med, til barna, eit etablert tilvære og hans eigen versjon av korleis livet hans er, held han fast i eit uavklart spenn mellom å bli og å reise.
