Prinsessa i egget handlar om vesle Maja og den bittelille prinsessa ho møter. Solfrid Sivertsen har skrive boka og Gry Moursund har laga illustrasjonane til denne herlege boka.
Ein søndagsmorgon då vesle Maja skal lage frukost til foreldra og seg sjølv, finn ho eit ekstra stort egg. Ut hoppar ei bittelita prinsesse!
Maja tar henne med til dokkehuset. Dette er kjekt til å begynne med, men prinsessa er veldig kravstor, og Maja slit med å halde henne skjult for foreldra. Og korleis er det med venninna Therese: Vil ho tru på det utrulege som har skjedd?
