I antologien Drivkrafta bak teksten. Bidrag til ein norsk barnebokpoetikk presenterer Karin Beate Vold og Per Olav Kaldestad eit knippe av dagens barnebokforfattarar sitt syn på det å skrive. Dei har samla poetikkar frå Årboka Litteratur for barn og unge. Her kjem 30 ulike stemmer til orde om kva som driv dei til å skape og kva haldning dei har til lesaren. Både prosaforfattarar, poetar og biletkunstnarar får komme til orde, og dei reflekterer over den kunstnarlege prosessen, over språklege val og det livsnødvendige ved å kommunisere.
Boka blir avslutta med eit etterord av redaktørane, som set poetikkane inn i historisk og aktuell kontekst.