Forfattaren Rolf Sagen kjøper ein båt og legg ut på ei ferd mot Oslo saman med den tidlegare sjømannen Artur. Dei reiser gjennom kjende og ukjende landskap mot eit nytt liv i hovudstaden. Rolf Sagen har skrive denne lyriske romanen med utgangspunkt i ei loggbok frå sommaren 1970. Den aldrande forfattaren møter her seg sjølv i ei yngre utgåve.
Forfattaren Rolf Sagen kjøper ein båt på Nordvestlandet, og i lag med den tidlegare sjømannen Artur legg han ut på ei ferd til Oslo, gjennom kjende og ukjende landskap, til eit nytt liv i hovudstaden.
Meir enn nokon annan forfattar har Rolf Sagen klart å skildre det norske Vestlandet, ved hjelp av eit observerande blikk og ein vill fantasi. I den lyriske romanen MS Liv, basert på ei loggbok frå sommaren 1970, møter den aldrande forfattaren seg sjølv i ung utgåve. Vi blir kjend med den unge Sagens poetiske og lakoniske måte å sjå verda på, og er med på oppdagingsreisa hans i eit landskap han seinare skal vere med på å forme. I skildringa hans verkar landskapet nytt – får liv, farge, ein faretruande undertone, og nokre gonger er det som om det går hòl på boksidene og vatnet strøymer ut.
