Forlaget skriver om denne boka:
Den første samla framstillinga om landbruket i Noreg - frå dei eldste tider og fram til i dag.
Norges landbrukshistorie I-IV gir ei brei kulturhistorisk innføring i det norske landbrukssamfunnet opp gjennom tidene. Forfattarane går mellom anna inn på livsforholda til dei ulike grupperingane i bondesamfunnet, sjølvforståing og livsmønster, dyrkingsmetodar, dyrehald og reiskapsbruk til ulike tider, og interessekamp, politikk og økonomi. Regionale skilnader blir trekte fram, samstundes som spørsmål knytte til ulike utviklingsprosessar i samfunnet blir analyserte. Vekslande perspektiv og eit rikt illustrasjonsmateriale i fargar gir historia liv og teiknar tankevekkjande og djuptloddande riss av det komplekse landbrukssamfunnet i Noreg. I sentrum står heile tida menneska i landbruket og dei viktigaste utfordringane dei har stått overfor.
Band II av Norges landbrukshistorie tek føre seg perioden frå svartedauden til 1814. Den norske samfunnstypen var i desse fire hundreåra eit bondesamfunn der den dominerande produksjonseininga var bondehushaldet. Det blir fokusert på levekåra til bøndene, først og fremst økonomisk og økologisk, men også i ein brei samfunnssamanheng. Framstillinga legg stor vekt på den politiske rolla til bøndene og tilhøvet til maktapparatet i samfunnet, mellom anna verknadene av å høyre til ein unionsfellesskap. Bandet kombinerer ei drøftande metodisk innføring i emnet, med ein korthogd, levande og forteljande skrivemåte.
