Forlaget skriver om denne boka:
Sigmund og Åse Gruda Skard har gjennom sine nokså lange liv møtt mange menneske. I denne boka fortel dei om ein del av desse som dei har møtt og kjent, eller på anna vis hatt personleg tilknyting til. Dermed får lesaren høve til å koma nærare innpå så ulike menneske som Margaret Mead og Anna Freud, Anton Aure og Einar Breidsvoll, Ola Raknes og Harald Schjelderup, Hartvig Kiran og Alva Myrdal. Det særmerkte blir tydeleg, det viktige blir framheva.
Kvar for seg har Sigmund og Åse Gruda Skard signert mange bøker og hundrevis, ja, tusenvis av artiklar og foredrag. Dette er den einaste boka dei to har laga saman.
