Forlaget skriver om denne boka:
Bind 1. Her kan du lese historia om ein av dei mest fargesprakande personane i norsk historie. Ein mann som tok store steg og fall, men som reiste seg att.
Han bygde bedehus og politiske parti. Han skapte eit heilt konsern av barneheimar, det største i landet, og grunnla tre aviser. Han var vekkingspreikaren som blei folkeførar på Sør-Vestlandet mot regjeringa og kyrkjestyret. Han var presten som stod fram i St. Petri-kyrkja i Stavanger 1. november 1891 og vedgjekk "usædeligt Forhold".
Nå kjem historia for ein dag. Heile historia.
Berge Furre følgjer Lars Oftedal til topps i politikk og lekmannsrørsle, ned til djupet etter fallet, og på vegen tilbake til det offentlege liv. Politisk omvelting, sosial endring og religiøs vekking glir saman med personleg maktkamp og rykteflaum til eit fengslande og handlingsmetta epos.
Lars Oftedal blei den store gløymde. Soga om Lars Oftedal vil bli hugsa.
