Forlaget skriver om denne boka:
Rut vaknar i den nye heimen på Nes, dit dei flytta etter at far vart arbeidsledig. Mor har fått jobb som sjukepleiar på aldersheimen, men far, som er snikkar, får ingen jobb. Og så blir han så annleis når han går arbeidsledig, det merkar Rut godt. Rut gjer seg kjend i nabolaget, og ho vert fort vener med Kari og Håvard som driv gard nær ved. Då oppdagar Rut at «somme har alt for mykje arbeid og andre, slike som far, hadde slett ikkje noko arbeid. Måtte det vere slik?» Og når Rut blir kjend med jamnaldringane Siri og Hilde, skjønar ho at dei også har dårlegare råd heime. Men så skjer noko: - far er ikkje uglad og tiltakslaus meir, han held på med noko heilt hemmeleg.