Andre del av "Ragnhild-trilogien". Etter drapet på Didrik, må Ragnhild gå ein lang veg før ho er i stand til å møte samfunnet igjen. Men mannen hennar, Håkon, har ein endå lengre veg å gå før han finn ut kva han sjølv står for. Denne trilogien skildrar menneska på ein norsk gård, den unge og gode Ragnhild, mannen hennar, Håkon, og svigerfaren, Didrik Dale, sjølve inkarnasjonen av vondskap. Gjennom dei tek forfattaren opp eit spørsmål som står sentralt i all etisk tenking: Kan det vere rett å drepe eit menneske for å berge eit anna?
"Ragnhild" er den andre boka i "Ragnhild-trilogien". Ragnhild dreg seg ut av verda og livet etter drapet på Didrik, og ho må gå ein lang veg før ho er i stand til å møte samfunnet igjen.
Men medan ho må skjære ned på krava både til seg sjølv og andre, og trua på at dei gode gjerningane skal "redde" verda, har mannen hennar, Håkon, ein endå lengre veg å gå før han finn ut kva han sjølv står for.
"Ragnhild-trilogien" er eit hovudverk i Olav Duuns dikting - eit storfelt verk om det innfløkte tilhøvet mellom godt og vondt i menneskelivet.
