Sølvberget bibliotek og kulturhus

Framleis finst det menneske som vel å leve i einsemd, milevis frå næraste granne. Somme er fødde og oppvaksne på desse stadene og ønskjer å bli verande. Andre har brote med sitt tidlegare liv og flytt til ein utpost. Ikkje alle trivst med å ha asfalt under føtene eller å vere slavar under klokka og maskinen. Derfor har dei søkt freden og fridomen i ein fjern avkrok.

Kven er desse menneska? Har dei gjort det mange av oss har drøymt om, men få har våga? Og - har dei noko å seie oss?

"Der ingen skulle tru at nokon kunne bu" er blitt ein av dei mest populære TV-seriane vi har. I denne boka, som er skriven av programskaparen Oddgeir Bruaset, vil ikkje lesaren berre møte att stader og menneske han kjenne frå skjermen, men oppdage nye, spennande sider ved dei. Her er muntre historier og gripande lagnader om kvarandre.