KVA KAN VI VITE OM ANDRE SITT LIV? Kva skjer når ein biograf prøver å skaffe seg eit liv, det vil seie livet til ein annan person?
Denne boka handlar om biografisjangeren. Mens interessa for og salet av biografiar har auka jamt dei siste åra, har ikkje teoriane om sjangeren utvikla seg like sterkt. Mange meiner at biografien er inne i ein renessanse, andre at han er i djup krise. Norske biografidebattar forfell fort til moralisering om kor grensa skal gå for kva vi skal fortelje om livet til ein annan person. Men skal det finnast ei grense i det heile? Kanskje kan sjøbiografien vise veg. Den viser iallfall tydeleg kva vi føler motstand mot å skrive om.
Det er mellom anna dette Stephen J. Walton undersøkjer i denne boka. Ho inneheld tekstar knytte til grunnleggjande spørsmål om biografien og sjølbiografien, og spenner over tidsrommet frå 1991 til i dag. Walton er kritisk til den gjengse måten å skrive biografiar på, og etterlyser meir eksperiment og nye løysingar.
