Forlaget skriver om denne boka:
Barndomskameratane Tommi og Tore ranar ei rik enke i Haugesund, og set kursen mot Odda og vidare austover i ein stolen Opel Manta. Det er spel i Seljord, og telemarksbygda lokkar med både sjøorm, trekkspel og brennevin. Samstundes er lastebilsjåføren Dave Olsen på vegen med bilen full av antikviteter, mens venninnene Laura og Birgitte er på haiketur. Det er sommar, det er sol - og det ligg drama i lufta.
Atle Hansen har skrive ei klassisk landevegshistorie med spenning, høgt tempo og frodig dialog; ei historie som tar lesaren med på ei hendingsrik reise frå Vestlandet og austover i nær fortid.
