I dette juleheftet formidlar Oddgeir Bruaset historier om korleis jula blir feira på avsidesliggjande stader. Historiene har ein samnemnar - den lange og vanskelege vegen og dei spesielle stadene menneska levde og lever på. Her møter vi mellom anna eit ungt par i Jordalsgrenda som flettar kunstferdige korger og bakar opp til 14 slag før jula kjem, buskerudjenta som bur på eit avsidesliggjande småbruk på Andøya, der ho no skipar til julegolv på «Loven» og ringjaren i Kvikne i Nord-Fron, som fortel kvifor kyrkjeklokkene der i nærare eit hundreår ringde jula inn ein time for tidleg. Omtalen er utarbeidd av BS.