Kairos er ein kriseaugneblink, det kritiske punktet mellom to hendingar. Dette i motsetnad til kronos, den lineære tida. I denne romanen utforskar Andrzej Tichý slike kritiske punkt i det 20. og 21. hundreåret si historie. Resultatet er ein kollasj av stemmer, bilete og skjebnar som går på tvers av tida - depresjonen på 1930-talet, 68-rørsla, den arabiske våren. Tichý undersøkjer valden og opprøret, krisa og avmakta, håpet og fortvilinga i sin ambisiøse sivilisasjonskritikk. Omtalen er utarbeidd av BS.
Eit hovudverk i nyare skandinavisk romankunst!
«Eg skriv til dykk frå ei anna verd.» Med desse orda opnar Andrzej Tichy sin mest ambisiøse roman hittil. Omgrepet kairos er, i antikkens tidsoppfatning, ein kriseaugneblink, eit kritisk punkt mellom to hendingar, i motsetnad til kronos, den lineære tida. Tichy utforskar kritiske punkt i historia til det 20. og 21. hundreåret. Romanen er ein kollasj av skjebnar, stemmer og bilete som går på tvers av den lineære tida; gjennom sitatmosaikk og skiftande forteljarspor undersøkjer han krisa og valden, opprøret og avmakta, håpet og fortvilinga, utopien og dystopien. I Kairos' vev av stemmer og bilete gnissar både 1900-talet, samtida og framtida mot kvarandre: 30-talsdepresjonen, Peter Weiss' møte med Karin Boye, Bernward Vesper og 68-rørsla, den arabiske våren og ein Jeanne d'Arc-skikkelse som rører seg mellom ulike stader. Kairos er ein treffande sivilisasjonskritikk som verkar eksplosiv og utfordrande.
Omsett av Gunstein Bakke.
