Are Kalvø vaks opp midt i eit postkort på Vestlandet. Likevel har han aldri blitt ein naturens mann. Han flytta til byen og såg seg aldri tilbake. Dette har aldri vore eit problem. Før no. For nokre år sidan begynte Kalvø å miste venner til naturen. Gode venner, som før alltid var med på pub for å prate tull, begynte plutselig å gå i fjellet, legge ut bilde av skispor, og i fullt alvor seie sånt som at det berre er i møte med naturen at du forstår kor liten du er. Ein dag måtte Kalvø innsjå at han ikkje hadde ein einaste facebook-venn som ikkje hadde lagt ut eitt einaste bilde av seg sjølv på eit fjell. For første gong sidan han blei tvinga til slikt på skulen, la Kalvø derfor ut på tur, på ski og til fots, for å finne igjen vennene sine. Og for å finne ut kva i alle dagar det er som skjer. Kva driv dei med på desse hyttene om kvelden? Kva snakkar dei om? Er det rom for å seie til nokon ein møter i fjellet at ein synest natur er oppskrytt? Eller blir det dårlig stemning då? Og kven reiser eigentlig frivillig på ferie til ein plass som heter Myggheim? «Hyttebok frå helvete» er ei svært morsom og litt sint bok om nordmenns merkelige forhold til naturen.
EN KOMIKARS MOTVILLIGE FORSØK PÅ Å LÆRE SEG Å ELSKE NATUREN
Are Kalvø vaks opp midt i sjølvaste postkort-Noreg, omgitt av fjordar og fjell. Likevel har han aldri blitt ein naturens mann. Han flytta til byen og såg seg aldri tilbake. Dette har ikkje vore eit problem. Før no.
Kalvø har begynt å miste venner til naturen. Gode venner, som før alltid var med på pub for å prate tull, har plutselig begynt å gå i fjellet og legge ut bilde av skispor. For første gong sidan han blei tvinga til slikt på skulen, legg Kalvø derfor ut på tur, på ski og til fots, for å finne igjen vennene sine. Og for å finne ut kva i alle dagar det er som skjer.
AreKalvø har laga musikal, revy, ein opera, drive med standup, og skrive storseljande humorbøker som Harry, Bibelen2, Syden, Vårevennerkinesarane og Nygrunnlov. Dei fleste av desse bøkene handlar om ting han ikkje har greie på. Dette er første gongen han skriv om noko han ikkje forstår. Are Kalvø er trulig det einaste mennesket i verda som har latt seg avbilde på Preikestolen utan å strekke armane mot himmelen.
