Boka er ei samleutgåve av Sissel Solbjørg Bjugn sine bøker for vaksne. Ho inneheld Den første avisa på Lofotveggen (1978), Spenn beltet kring livet og hald lampa tend! (1981), Den magre narsissisten (1984), Bye, bye (1989) Tornekrysset (1992) og Depp (1999). Bjugn vann Tarjei Vesaas' debutantpris for fyrstnemnde bok, og ho vert kreditert med å ha fornya surrealismen innan norsk lyrikk. Hennar poesi er ofte skriven i eg-form, men har òg eit rikt preg av allusjonar, sitat og spill på bibelske, filosofiske, litterære og teoretiske tekstar. Samstundes spiller dikta ofte på populærkultur, gjennom å trekke inn rockelåtar og slagere.
