Det er jul og familien til Pode elskar å feire jul. Far bakar femti ulike sortar julekaker, medan mor hans skal synge femti julesongar. Jula skal feirast på ei gammal hytte langt opp i fjellet. Heile familien kosar seg i jula, med skiturar, snø, peiskos og marsipan. Pode er den einaste som ikkje trivs, for han får ikkje peiskos og marsipan. Det er nemleg nokon som prøver å stele familien hans. Derfor er den 6-årige Pode så anti til jula. Dette er fjerde bok om Pode. Bøkene om Pode er artige historier der lesaren vert invitert til å godta krumspring og brot med det realistiske. Boka er illustrert med strekteikningar i enkel naivistisk stil. Nynorsk tekst. Humor for småskole-/mellomtrinnet.
. - God, leseleg skrift
Pode er ein seksåring med ein svært original familie som stadig opplever svært uvanlege ting. Denne gongen blir det riktig skummelt! Pode skal dra med familen sin for å feire jul i ei stor gammal hytte dei har lånt på fjellet. Far skal bake 50 sortar julekaker, mor har øvd inn 50 julesongar, og alle skal kose seg med skiturar og ete marsipan framfor peisen. Men det viser seg at Pode har ein dobbeltgjengar i det gamle huset: Ein vondskapsfull Anti-Pode som prøver å ta over familien hans! Anti-Pode er ei humoristisk bok der gjenkjennelege situasjonar går over i grøss når Pode, og lesaren, oppdagar kva som er i ferd med å skje. Den samme blandinga av det enkle og det heilt absurde finn du også i teikningane frå den prislønte illustratøren Øyvind Torseter. Anti-Pode er den fjerde boka om Pode, men du treng ikkje å ha lese dei første for å gle deg (og grue deg) over denne! Etter nokre sider veit du alt du treng å vite om både storebror Pyton, veslesøster Petra, mor og far og tante Pjoll. Men den overraskande slutten klarar du ikkje å gjette deg til!