Tradisjonelt sett har historiefaga stort sett vore knytta til det nasjonale, og ofte også det europeiske. Men den seinare tidas globalisering har leia til at globalhistorie har sete sitt preg på historieskrivinga. Eit utvida perspektiv har ført med seg forsking som er meir tverrfagleg, spenner over fleire historiske periodar og famnar om kulturhistoriske emne i høgare grad.
Dette føyer seg inn under det ein kallar komparativ verdshistorie, som ofte blir sete i motsetnad til globalhistorie. Globalhistorie er først og fremst oppteken med global utveksling og dialog. Denne boka tek opp globalhistorie i perioden frå kring år 500 til 1500. Omtalen er utarbeidd av BS.
Gjennom utbygging av kommunikasjonar blir verda ført saman på nye måter. Silkevegen, eit nettverk av vegar mellom Kina i aust og Europa i vest, frakta ikkje berre handelsvarer, men òg teknologi, kultur, epidemiar og religionar. Buddhismen kan takke Silkevegen for den raske spreiinga frå sitt indiske opphav og austover til Kina, medan papir og prent reiste andre vegen - frå Kina innom den islamske verda og til Europa. Ved å ta tak i seks emne - kommunikasjon, økonomi, religion, stats- og imperiedanning, urbanisering og lærdom - diskuterer Melve eit knippe grunnleggjande og samanvovde endringar som gjorde verda kring 1500 heilt ulik den verda som møter oss rundt 500. Dette er den første framstillinga på norsk som diskuterer mellomalderen i ljos av tankar og teoriar om globalisering. Omtalen er utarbeidd av forlaget.
