Forlaget skriver om denne boka:
To rike systrer bestemmer seg for å hente heim den geniale broren, filosofen Ludwig, frå mentalsjukehuset Steinhof. Systrene bur framleis i barndomsheimen og lever eit sløvande, monotont overklasseliv. Den einaste spenninga i livet deira er veslebroren Ludwig, familiens svarte får. Dei førebur seg grundig på at han skal kome heim, men velkomstmiddagne tek ei uventa vending.
Austrikaren Thomas Bernhard (1931-1989) er i dag vurdert som ein av dei mest framståande og omstridde tyskspråklege forfatterane etter krigen. Forfattarskapen hans er prega av sterke motsetningar; nattsvart pessimisme vekslar med sublimt overmot, tragisk livskjensle med grotesk parodi. "Heltane" hans er ofte seriøse galningar, kunstnarar, tenkjarar på sida av den normale, pragmatiske egoismen.
Ni av Thomas Bernhards romanar finst alt i norsk språkdrakt, men dette er første gong dramatikaren kjem i bokform. Ritter, Dene, Voss er inspirert av filosofen Ludwig Wittgensteins liv og arbeid, og av tre store tyskspråklege skodespelarar, Ilse Ritter, Kirsten Dene og Gert Voss.
Stykket er omsett av Jon Fosse og har première på Det Norske Teateret i februar 1997.
