Dette er ei bok om sorg og sorgarbeid. Vi møter ei kvinne som i løpet av kort tid har opplevd det sjokket det er å misse to menneske som står henne nær. Først og fremst dreier det seg om dei kjensler og tankar ho har etter at faren er død. Gjennom glimt frå fortida, draumar, og eit møte med den tidlegare elskaren, kan lesaren etter kvart skape seg eit bilete av det som har vore, og det som melder seg som tvingande nødvendig for hovudpersonen her og nå. Slik har Krossring blitt ein intens moderne elegi om allmennmenneskelege tema som kjærleik og død.
