Forlaget skriver om denne boka:
Året er 2001. Ein mann vender tilbake til heimstaden sin med ein koffert full av minne. Brev og bilete ligg strødd på bordet framfor han, og han prøver å finne spora attende til starten på sitt eige liv frå byrjinga av 1960-åra.
I ei tid der kroppar forandrar seg og forteljingane frå søndagsskulen smeltar saman med rockemusikken frå jukeboksen på kafeen, utviklar det seg etter kvart til ein krig om jenter, fotball og snop i den vesle kystbygda på Nordvestlandet. Og saman med venene utkjempar eg-personen fleire slag før den store folkeavrøystinga kjem og alt blir snudd opp ned.
Rabarbrakrigen er ei forteljing om kjærleik, svik og skuld, men også om identitet, håp og gleda ved å høyre til.
Romanen er ein frittståande oppfølgjar til Livingstones retrett (2003) og Vegen til Neverland (2005)