Det er natt til 9. april 1940. Ved befalsskulen førebur elevane seg til eksamen i feltarbeid. Så går alarmen. Seinare blir to systrer sende ut i natta for å levere ein tung beskjed. Elleve ungdomar stel ein fiskebåt og set kursen vestover. Tilbake sit ein ung mann i arresten og ventar på å bli skoten. Snart ber ein hybelvert den unge gymnasiasten Abraham om å reise før det er for seint. Samtidig som ein russisk fange byter dei vakraste gjenstandar mot ullestar og brød. Til slutt pakkar ein einsleg tysk soldat sekken før han kler av seg og marsjerer mot havet. Då har allereie vesle Isak flykta mot grensa til Sverige. Men kjem han fram? For kven kan ein eigentleg stole på? Kven er ven - og kven er fiende? Personane i desse novellene lever i skuggen av dei store hendingane under krigen. Gjennom kronologiske glimt vert brutale krigsscener så vel som daglegdagse bekymringar framstilte nært og levande. Vanlege menneske vert stilt overfor vanskelege val og dilemma. Historiene tematiserer krigens desperate kjensle av usikker framtid, om ein er soldat, flyktning, student, arbeidar - eller berre eit barn.
Dette er ein novellesamling om personar som lever i skuggen av andre verdskrig. I kronologisk rekkjefølgje får ein sjå glimt frå liva til ulike menneske. Natt til 9. april 1940 er elevane ved befalsskulen i ferd med å førebu seg til eksamen i feltarbeid når alarmen går. Seinare må to systrer gi seg ut på ei nattesferd for å levere ein tung beskjed. Mens elleve ungdomar får stelt ein fiskebåt og er på veg vestover sit ein ung mann tilbake i arresten og skal bli skoten. Den unge gymnasiasten Abraham får eit tips om å reise før det er for seint, og ein russisk fange byter dei vakraste tinga han har mot mat og klede. Mens vesle Isak flyktar mot Sverige pakkar ein tysk soldat sekken og går mot havet. Omtalen er utarbeidd av BS.
