Kan éi hending forklare alt ved eit menneskeliv? Johannes er drive av skuldkjensle for noko som hende under andre verdskrigen då han set seg ned for å skrive eit brev. Ved å skrive dette brevet ønskjer han å forklare det som har skjedd og forstå seg sjølv betre. Han fortel historia om livet sitt, som vekslar mellom kvardagsminne og meir dramatiske hendingar. «Brevet til Rosalin» er ein brevroman om tap, sorg, skuld og orsaking. Omtalen er utarbeida av BS.
Etter eit langt liv bestemmer Johannes seg for å ta eit oppgjer med si eiga fortid. I eit brev til Rosalin fortel han historia om livet sitt, som vekslar mellom kvardagen i bygda og meir dramatiske minne. Ei avgjerande hending under andre verdskrigen står sentralt. Når han viser dei små tilfeldigheitene i livet og dei store konsekvensane desse kan få, er det med stilsikkerheit, humor og engasjement.
