Sølvberget bibliotek og kulturhus

«Dei kjem inn i ankomsthallen på Flesland. Tett saman innom glasveggene skodar dei rullebanen. Vintersola sig ned i vest. Eit skin av gyllenrosa perleskyer ligg att i vide horisonten. Ho tenkjer det ikkje. Ho ser det i skinet av den svinnande sola i himmelranda: Livet er alt, og så blir det mørkt. Ei brå skjelving rislar henne etter ryggen ho legg armen kring dotra, kjenner hovudet hennar på aksla si angen av henne får ho å blinda, ho vil som svinna i lyden av fl yet inn for landing. Minnet dirrar i synet av Flynn koma ned fl ytrappa ein gøymt dag for så lenge sidan. Borte no. Den tidbundne avstanden. Evig borte.» Ei ung kvinne møter ein amerikanar som livnærer seg som musiker i heimbygda hennar. Dei to forelskar seg i kvarandre. Brått står han innfor eit uventa val: Å gjera militærteneste for USA, eller bli verande i Norge. Han er drafted, innkalla til militærtenste men USArmy fritek gifte menn for pliktteneste. For å berga kjærleiken, vil dei gifta seg. Men presidenten i USA, endrar brått lova og kallar alle amerikanske menn mellom 18 og 25 år til teneste for USA sitt «engasjement» i Vietnam, hausten 1965. Blir den unge amerikanaren verande i Norge er han utvist frå USA for all framtid. Denne dramatiske historia om ein ung amerikanar sin kamp midt i mot militærmakta i USA, er fortalt gjennom den unge kvinna si erfaring under opptrapping av krigen i Vietnam.