80-årsjubilant om litterære og menneskelege vennskap. Einar Økland er ein av dei mest allsidige og originale forfattarane i norsk litteratur. I si nye tekstsamling stiller han dei store og små spørsmåla: Kva vil det seie å vere ein venn? Korleis var det første møtet med Torborg Nedreaas? Og kva må ein å vite før ein går i gang på kjøkkenet? Korleis kjennest det når språkvaskaren rettar intenderte feil, og kva svarar Økland alle dei som spør han om stort og smått? Einar Øklands niande artikkelsamling er ein personleg og kunnskapsrik refleksjon over litterære og menneskelege vennskap. Blant dei vi møter i tekstane, er Jorunn Veiteberg, Georg Johannesen, Gunnar Lunde, Aksel Sandemose, Olav H. Hauge, Sissel Solbjørg Bjugn og Sigbjørn Obstfelder. Boka inneheld også fragment frå eit forfattarliv, utsnitt av norsk litteratur- og kulturhistorie, hyllest til antikvariat, bøker og trykksaker, og Økland skriv om poesi for barn, glansbilde og bukselommer.
I artikkelsamlinga Oss imellom, den niande av sitt slag, tar forfattar Einar Økland fatt på spørsmål av ymse storleik. Han drar lesarane ut på ei kultur- og litteraturhistorisk rundreise i vårt langstrekte land, og i tekstane treffer vi kjende stemmer som Jorunn Veitberg, Georg Johannesen, Sissel Solbjørg Bjugn og Sigbjørn Obstfelder. Økland undersøker små og store tema som: antikvariat, bukselommer og poesi for barn, med sin sedvanlege blanding av personlege anekdotar og kunnskapsrike refleksonsjonar. Omtalen er utarbeidd av BS.
