Den kritikarroste forfattaren Ragnfrid Trohaug har skrive si tredje bok, og vil nå mange nye lesarar med denne spennande fantasy-forteljinga.
Går det an å bli så sint at ein berre forsvinn, og ingen veit kvar ein har teke vegen? Bjørn er femteklassingen som aldri klarer å styre seg, han er den i klassen som alltid blir ustyrleg sint og alle vil tirre. Ein dag blir han så sint at han forsvinn over til Landet alltid raudt, eit land der dei treng sinnet hans og har venta på han og dei hemmelege kreftene som Bjørn sjølv ikkje veit at han har. Den ukjende verda er full av sinne og vondskap, mens vår verd viser seg å vere full av mystiske personar, spor og hendingar ein ikkje ante noko om. Dette er historia om ein gut som blir så sint at det kan gå gale, og historia om å handle riktig før det er for seint.
