Forlaget skriver om denne boka:
Kva er det vi bør feire i 2014, ved tohundreårsjubileet for 1814?
Kven er vi, og korleis vart vi det? Kva inneber det å vere medborgar i dette samfunnet? Kva vil det seie å vere norsk og moderne? Og kva inneber dét for integrering og deltaking i eit moderne norsk samfunn?
Denne teksten er eit bidrag til begrepsorientert folkeopplysning for gamle og nye landsmenn, og samtidig ein politisk pamflett som utfordrar dominerande oppfatningar om kva det er å vere norsk og moderne.
I Gunnar Skirbekks bok framstår dei norske moderniseringsprosessane annleis og som meir spennande enn mange trur - i utgangspunktet som noko å vere stolt over, men og problematiske og utfordrande.
Skirbekk fortel vår historie som ein stadig pågåande motsetnad mellom embetsmannselitar og folkelege rørsler.
