Ei ung lærarinne startar karrieren som yngste medlem av undervisningspersonalet på ein jysk kostskule. Ho er eit splitta menneske, prega av sinne og lengsel. Problema starta med ein kaotisk barndom med skilsmisser, nye ekteskap og ein straum av halvsøsken. Kostskulen var tidlegare eit slott, og ein dag får lærarinna sjå dei jordiske restane av Celestine, som døydde innmurt i slottsveggen for fleire hundre år sidan. Eit lite skjelett og ei kyse, det er alt. Men den unge kvinna blir så oppslukt av Celestine at ho sjølv tar form som eit spøkelse. Ho vandrar omkring i skulebygget nattetid, ikledd ein kvit kjole frå skulens teatergarderobe. På jobben er ho fjern, ho drikk og kranglar med kjærasten Kim. 'Celestine' var danske Olga Ravn sin debutroman. Boka har tidlegare vore utgitt omsett til bokmål på Gyldendal forlag. Omtalen er utarbeidd av BS.
Celestine er ein gåtefull, lyrisk og fortetta roman, der vi møter ei ung lærarinne som flyttar til bygda for å undervise på ein kostskule, samstundes som ho kjempar ein indre kamp med den kaotiske barndommen sin. Med seg har ho kjærasten Kim, men relasjonen mellom dei går det heller dårleg med. Kostskulen var tidlegare eit slott, og lærarinna blir oppslukt av historia om spøkelset Celestine, som skal ha blitt mura inne i veggene. Snart byrjar lærarinna sjølv å vandre rundt i gangane om natta, iført ein kvit kjole, heimsøkt også av spøkelsa frå si eiga fortid som skilsmissebarn.
