Åttande-klassingen Terje kjenner seg pressa frå mange kantar. Mor ventar at han skal få gode karakterar og komma inn på «den vidaregåande» i byen. Roy og gjengen ventar at han skal vera med på alt som gale er, skulestyraren ventar å sjå han i det kristelege skulelaget, alle reknar med at han skal konfirmera seg. Og Birte med dei sjølvstendige og uredde meiningane, ho ventar seg vel ting av han ho og? Og verste er at han godt kan tenkja seg å vera slik som ho vil. Men han vågar ikkje. Kva meiner og vil Terje sjølv? Det er ikkje lett å finna ut av slikt i denne urolege alderen, men like fullt er det det som må til.
