Sju historier om sorg og kjærleik i uventa og underfundige møte med nye menneske. Ein langtransportsjåfør ringer og ber om fri frå jobb. Han skal få hunden sin avliva - den trufaste følgjesveinen hans gjennom mange år. Ei sørgjande og alkoholisert enke og tobarnsmor blir trollbunden av ei kvinne på bar som sjølv er fanga i kjærleiken til ein mann som aldri vil gå frå kona si. Ein storbedriftsleiar skriv brev til den døde naboen sin frå eit hotellrom i Seoul, og ei ungjente frå Paris aust møter ein rikmannsgut som drøymer om å bli poet. Ho veit ho alltid vil ha kjærleiken frå dyra ho arbeider med - men kan ho stole på kjærleiken frå eit anna menneske? Vi møter menneske i ulike samfunnslag og livssituasjonar, to kvinner og fem menn - som alle ber med seg ei eller anna form for sorg eller einsemd, og som no gjer eit forsøk på å opne seg for andre. Gavalda viser nok ein gong at ho har eit eige tak på å skildre menn. Ei gripande, humoristisk og særeigen bok, i eit finurleg og usentimentalt språk frå forfattaren av Saman er ein mindre aleine. Boka var kortlista til The Grand Prix of Literary Associations i 2017.
I sju noveller møter vi to kvinner og fem menn frå ulike samfunnslag og livssituasjonar. Dei ber alle med seg ei form for sorg eller einsemd, men er no i ferd med å opne seg for andre. Det er langtransportsjåføren som må avlive hunden sin, bedriftsleiaren som skriv brev til sin døde nabo, den sørgjande og alkoholiserte enka som blir trollbunden av ei kvinne på bar. «For ope hjarte» er ei gripande novellesamling, skrive på ein humoristisk og usentimental måte. Omtalen er utarbeidd av BS.
