Einar var tilsynelatande eit barn lik alle andre. Han leika og utforska verda. Men rett før han vart to år, fekk foreldra hans ein beskjed som snudde opp ned på livet deira. Einar hadde ein sjeldan og alvorleg nervesjukdom. Han rakk berre å bli fire og eit halvt år og éin dag. I dei åra var kvar einaste dag dyrebar, og Einars historie viser at eit kort liv kan vere fullt av fine opplevingar. Men boka fortel òg om korleis ein som forelder av eit alvorleg sjukt barn må handsame mange vonde dagar, og korleis vi møter døden. Historia handlar om Einar, men òg om alle rundt han. Boka inneheld mange refleksjonar over kva det vil seie å elske og miste. Tankane til blant anna Seneca, Joan Didion og Roland Barthes blandar seg med stemmene til dei som sto Einar nær. Omtalen er utarbeidd av BS.
EINAR VAR EIT BARN som fryda seg over å oppdage verda. Han elska å gøyme seg i hyller, rulle i graset, bygge tårn og ake på madrass ned trappa. Han kunne gå kor langt som helst, om foreldra heldt han i handa. For sleppte dei taket, datt han.
Rett før Einar fylte to, fekk familien ein beskjed som øydela mange draumar: Einar hadde ein sjeldan og alvorleg nervesjukdom. Gradvis ville han miste alt. Dette er ei historie om korleis det er å bere eit barn gjennom det aller vanskelegaste. Det handlar om korleis vi møter døden, men også om dyrebare dagar og alt det uendeleg fine eit liv på fire og eit halvt år og éin dag kan innehalde.
Det er ei forteljing om Einars liv, men også om alle rundt han. Stemmene til dei som kjente Einar, blandar seg med stemmene til blant andre, Seneca, Joan Didion, Roland Barthes og mange fleire i ei rekkje refleksjonar over kva det vil seie å elske og miste.
KATRINE SELE (f. 1972) er forfattar og journalist. Ho er busett i Jølster og arbeider som kommunikasjonsrådgivar ved Høgskulen på Vestlandet.
